Archive for the ‘خرابيش’ Category

 

 الشغل بالبلد :  صار كلشي بدو واسطة يعني بالسين ولا بالصاد. اذا حابب تشتغل لازم يكون عندك مقومات مش موجودة بتاتا في السيرة الذاتية ولا حتى بالهوية ولا حتى بالشكل   – الوجه – المفروض يكون عندك سيرة مخبية  تظهر  عند الطلب .

الشغل عندنا صار زي اي شي تاني ، زي كيلو الخبز ، زي البندورة الحمرا ، يعني ادفع توكل .

اما البنزين فيا حستري عليه زي الحج بالزبط مكلف والناس مش مستغنية عنو بس بنفس الوقت سعره خيالي  مع انو الايمان زي المشي .. مش ضروري تحج تتصير مؤمن ومش ضروري تعبي بنزين عشان توصل .

واحنا لنعيش صرنا ندندن على مقتلنا

 

الساعة 3:43

Posted: August 4, 2012 in خرابيش

 

image

والتوتة وحدانية
والافكار يا عيني عليها سوداوية
والبلد
ااااه من البلد عنادية
بترقص بالعتمة على بال محبيها
بترمي جدايلها وطرف الثوب
وتقول يا ولادي انا بعدكم اموت
واحنا بواد وهي بواد
وفي الواد في كثير عباد
بيصلو لبني آدم
بيصلوا لايد بتطعميهم
بيبوسوا الايد وبيقولو
اذا عندك حاجة عند الكلب قلو يا سيدي

اما انا وانتي فبينا بحور .. مع انو وين ما لفيت ما بتشم الا رطوبتهم
ما في بحر ولا في موج
في ساحل بتغزل  بالحلم
يا بلدي الوقت متاخر
وكمان احنا  نتاخر !!!
خلينا نشد الحيل
بلكي على حاجز لمونا
بلكي بحجرين رمونا
على امل نتذكر .
يا بلدنا