Archive for December, 2010

لشو التغيير

Posted: December 14, 2010 in فائض

لشو التغيير
,كل شي ماشي
,والمصاري بجيتك حاضرة
والزيتون حامل السنة
يعني في زيت ناكله
 

لشو التغيير
, البلد وحدة والهم واحد
واللي عليك على غيرك
وان جارك حكا اهههه
بترد علي اههه و اههه
… وهيك بيمشي الحال

لشو التغيير
التعليم بيجنن والطلاب بتتعلم
والايام بتمشي شوي شوي
والكل بيرضى وبيتكلم

لشو التغيير .
.لانو كل اللي انحكى كذب
البلد بلدين وقاعدة كمان بين قوسين
وما دام بجيبتك الشيقل لازم تتمناه للغير
عشان الشعب بدو الافضل
وبيستاهل
: لانو رضع من جرح مفتوح وما في مين يسكروا

لشو التغيير
لانو في ختيار على الزاوية
,جنب المغفر برام الله بيبيع كعك مسمسم
نفسو يصيح:  فلسطين

وما حد يسالو أنت مع مين
عشان يبطل حرف النون بكلمة انا
بداية ونهاية نحن
خلينا نحب الحاء شوي
لانو بداية حب وحنان وحرية
على شان الافضل يا جماعة
لازمنا التغيير
Advertisements

استفاقة حلم

Posted: December 14, 2010 in فائض

حلم بتربع بالافق , احلم بيوم او يومين يتسارعان الى قلبي , برهبة الاتي المليء بسعادة , الارض لي , الوطن لي , الامل لي , والحال من الافضل كله لي , احلم بالامل المشع القريب من الفلب الغريب . احلم بمن يستحق الجنون , ويرضى  ان يقتات على حزن العيون , بمن يستحق ان ينادى في عتمة الليل , بالق النورس حول شواطىء الذكرى , بعبق الصباح المزخرف بالهدوء , وصوت فيروز يملا عمق المكان

هذا, ما هو الابسط منه حقيقة ام كل هذا ياتى على حدا , لن تجمع في هذا البلد الكثير بيوم واحد .فالوقت لا يسمح , ومن يحمل الحلم لا يسمح , ومن يقتات على احلامنا سوف لن يسمح . فلنحلم جميعا ان بتغير .